Vel ímillum 30, 45, 60 ella 75 minuttir av mýking, sum er tillagað tínum tørvi. Sig okkum, hvørji økir tú ynskir, at vit leggja dent á, og um tú ynskir eina avslappandi ella fasta viðgerð. Ein friðsæl løta, ið fyllir kropp og sinn við orku og vælveru.

Ein munagóð vælveruviðgerð, sum varliga eksfolierar og endurnýggjar húðina. Skrubbið tekur burtur deyðar húðkyknur og ger, at kroppurin kennist mjúkur og slættur. Ynskir tú eina fullkomna vælverukenslu, mæla vit til at leggja eina mýking afturat viðgerðini.

Fyri at minka um spenningar i vøddum og bindivevnaði í andlitinum, bjóða vit eina fysioterapeutiska mýking, sum stimbrar nervalagið í bindivevnaðinum og loysir upp spenningar sum skapa linjur og rukkur. Hetta gevur húðini meira fyllu og eitt meira avslappað og yngri andlitsbrá. Viðgerðin gevur sjónligan mun beinanvegin, men besta úrslitið fæst eftir 4-6 viðgerðir við jøvnum millumbilum.

Ein útreinsandi kropsviðgerð, ið byrjar við turrbusting fyri at stimbra blóðrenslið og eksfoliera húðina. Húðin verður turkað við mineralsalti, áðrenn kroppurin verður smurdur við nørandi kremi. Viðgerðin endar við einari mildari gua-sha mýking við lymfydrenagu, ið minkar um spenningar í kroppinum og gevur eina góða javnvág.

Tann ultimativa venjingin til andlitið. Venjingin byrjar við upphiting fyri at stimbra blóðrenslið. “Eco Rubber Balls” verða nýttir fyri at loysa djúpar spenningar í andlitsvøddinum. Viðgerðin heldur fram við fysioterapeutiskari myking, ið lyftir húðina og minkar um mimiskar og dynamiskar linjur. At enda verður elektroterapi nýtt, við láfrekventum steymi, sum gevur húðini fastleika og fyllu. Úrslitið er eitt strálandi dæmi og eitt avslappað andlitsbrá. “Eco Rubber Balls” og “Microcurrent Stimulatur” kunnu nýtast heima, fyri at halda áfram við andlitsvenjingini.

Eitt vælveru-ritual sum tekur støði í føroysku náttúruni, frísku luftini og skiftandi veðrinum. Viðgerðin byrjar við einum fótabaði, ið vermur og linnar aftaná ein túr í fjøllinum. Føturnar verða síðani ballaðar i heit handklæði, imeðan tú fært eina sissandi andlitsviðgerð, sum fuktar og gevur javnvág aftaná ein dag í frískari luft. Bein og føtur verða síðani mýkt fyri at geva eina lætta og avslappaða kenslu. Ynskir tú eina fullkomna vælverukenslu, mæla vit til at leggja eina 30 min mýking afturat viðgerðini.